Япончууд явган хүний гүүрэн гарцыг Вьетнамын Дананг хотод бэлэглэжээ. Энэ гарцын барилгын ажлыг өнгөрсөн сард Японы “Mikazuki” компани эхлүүлсэн тухай Вьетнамын ХМХ мэдээлж байна. Япончуудын санхүүжүүлсэн гүүрэн гарцыг Нгуен Тат Тхань гудамжин дээгүүр барьж эхэлсэн ба 140 метр урт бөгөөд 42 тэрбум донг буюу 1,78 сая ам.долларын өртөгтэй. Гүүрэн гарц нь хөгжлийн бэрхшээлтэй хүмүүст зориулсан цахилгаан шаттай байх юм. Явган хүний шинэ гүүрэн гарцыг 5 сард барьж дуусан ашиглалтад өгөх аж. Эрх баригчид болон барилгын компани одоо гүүрийг яаж нэрлэхээ шийдээгүй байна. 
Дананг хотод суугаа Японы ерөнхий консул Якабэ Ёсинори “Вьетнам, Японы хооронд дипломат харилцаа тогтоосны 50 жилийн ойд зориулан явган хүмүүст зориулсан энэ гүүрэн гарцыг бид бэлэглэсэн. Гүүрэн гарц маань хоёр ард түмний найрамдлын билэгдэл болох юм” гэж мэдэгджээ. Харин Дананг хотын дэд дарга Ле Куанг Нам “Манай хотын хөгжилд сүрлэг, гоё гүүрэн гарц их том хувь нэмэр орууллаа” хэмээжээ. Сонирхуулахад, Дананг бол Вьетнамын томоохон 5 хотын нэг. Энэ хотын шавыг манай эриний 192 онд тавьжээ. Одоо Дананг хотод 1.2 сая хүн аж төрдөг юм байна.