Монгол Улсын алдартай уран нугараач, “Cirque du Soleil” олон улсын циркийн жүжигчин Сэнгийн Оюун-Эрдэнэ Гиннесийн шинэ дээд амжилт тогтоожээ. Оюун-Эрдэнэ 30 секундийн хугацаанд нугарч байхдаа 28 удаа суниаж дэлхийн энэ алдартай номонд нэрээ мөнхөлж чадлаа. Гэхдээ энэ удаа түүний 28 суниалтаас зөвхөн 24-г нь хүчинтэй гэж тооцов. Гиннесийн өмнөх дээд амжилт 21 суниалт байсан. 
Оюун-Эрдэнэ анх 6 настайдаа уран нугаралтаар хичээллэж эхэлсэн юм байна. Тэрбээр “Cirque du Soleil” цирктээ 20 гаруй жил ажиллаж буй, нийт 4 шоунд оролцжээ. Оюун- Эрдэнэ одоо өөрийн циркийнхээ хамт олонтой цуг Лондоны алдарт “Рояль Алберт Холл” театрт “Alegría – In A New Light” тоглолтод оролцож байна.