АНУ-ын тамирчин, “Лос-Анжелес Лейкерс” багийн сагсан бөмбөгчин, 38 настай Леброн Жеймс өөрийгөө дэлхийн түүхэн дэх хамгийн шилдэг сагсан бөмбөгчин гэж мэдэгдсэн тухай “Orange County Register” мэдээлэв. “Би Үндэсний сагсан бөмбөгийн нийгэмлэгт олон дээд амжилт тогтоосон, удахгүй дахин шинэ рекорд үзүүлнээ.... Би ямар их хувь нэмэр оруулсан гээч... Би өөрийгөө түүхэнд байгаагүй гайхалтай шилдэг сагсан бөмбөгчин гэж боддог. Би өөрийн амжилтуудыг, ямархуу карьер хийснээ хараад өөртөө нэн итгэлтэй явдаг. Миний гаргаж буй үр дүн намайг ямар өндөрлөгт гаргахыг хэлж мэдэхгүй байна” гэж Леброн Жеймс ярьжээ. Тэрбээр энэ улиралд 43 тэмцээнд оролцож дунджаар 30 оноо авсан, мөн 7.1 дамжуулалт, 8.5 бөмбөг авч 50.5%-г оруулснаас 30.8% нь 3 онооных байв. 
Америкийн “Лос-Анжелес Лейкерс” сагсан бөмбөгийн баг бол 25 ялалт, 29 ялагдалтайгаар Баруун конференцэд 13-р байранд жагсч байна.