Гаазын зурваст өрнөж буй дайн дажны хөлд хүүхдүүд олноор өртөж зөвхөн 2023 онд л гэхэд 2,1 мянга гаруй хүүхэд нас барсан тухай НҮБ-ын ерөнхий нарийн бичгийн дарга Антонио Гутерриш мэдэгдлээ. “2023 оны 1 сарын 1-нээс он дуусах хүртэлх хугацаанд Гаазын зурваст Палестины 2267 хүүхэд амиа алдсан. Тэдний 1259 нь хүү, 1008 нь охин байв. ... Хот, суурин газруудад дэлбэрэх үйлчилгээтэй зэвсэг ашигласны улмаас ихэнх хүүхэд нас баржээ...  Олон хүүхдийн амь нас хохирсон асуудлын хариуцлагыг Гаазын зурваст дэгдсэн зөрчилд оролцож буй Талууд хариуцна гэдгийг онцлон тэмдэглэж байна. Энэ бол маш нүсэр ажиллагаа бөгөөд одоо дөнгөж эхэлсэн. Израилийн Батлан хамгаалах арми л гэхэд 206 хүүхдийг хөнөөсөн болохыг НҮБ баримтаар тогтоосон” хэмээн НҮБ-ын ерөнхий нарийн бичгийн дарга Антонио Гутерришийн тайланд дурджээ.