1000 жилийн дараа хүмүүс бид ямархуу дүр төрхтэй харагдахыг дүрсэл хэмээн Хиймэл оюунаас хүсчээ.  Гэтэл итгэмээргүй, аймшигтай ийм зургийг Хиймэл оюун бүтээлээ. Энэ хөрөг зураг нийгмийн сүлжээнд бөөн дуулиан тарив. "XXI зуунд биш, 100 жилийн дараа ч биш алс холын ирээдүйд байгаа нь яамай",  гэж интернэтийн зарим хэрэглэгч бичжээ.
Зураг дээр хүн биш роботын нүүр царай харагдаж байгаа биз? Яагаад гэвэл, алс ирээдүйд хүмүүсийн нүүрний арьсыг янз бүрийн утас, механик төхөөрөмж орлох юм байх. Гэхдээ хүн төрөлхтөн бүгд толгой дараалан ийм болж хувирах уу, эсвэл хэсэг нь өөрсдийн хүслээр бие эрхтэндээ элдэв чип, төхөөрөмж суурилуулж киборг болох уу гэдгийг Хиймэл оюун тодруулсангүй. 
Түүнээс гадна Хиймэл оюуны таамаглаж буйгаар хүн төрөлхтөний зарим нь кинон дээр гардаг харь гарагийнхан шиг харагдах юм байна. Асар том нүдтэй, аварга том халзан толгойтой, хамрын хэлбэр нь гажиг хүмүүсийг та дотроо төсөөлөөрэй. Үүний шалтгаан нь харь гарагийнхан биш зүгээр л дэлхийн дулаарал, цаг уурын өөрчлөлт гэж Хиймэл оюун үзжээ.