“Microsoft” корпорацийг үндэслэгч, дэлхийн цуутай тэрбумтан Билл Гейтс Хятадтай өрсөлдөхийн тулд шинэ технологиор атомын цахилгаан станц барихаар болжээ. 
“Манай TerraPower компани Вайоминг мужид АЦС барина. Бид реакторыг усаар хөргөхгүй, харин натрийн хөргөлт ашиглана. Энэ шинэ технологийн тусламжтай Америк улс атомын эрчим хүчний салбарт тэргүүлэх болно... Би 1 тэрбум гаруй долларын хөрөнгө оруулалт хийсэн, цаашид ч олон тэрбумыг зарцуулна.... Өнөөдөр Хятад улс хамгийн их цөмийн реактортой. Гэсэн ч одоо бид инновацийн технологи ашигласнаар өрсөлдөх чадвараа сайжруулж чадна. Засгийн газар бидэнд цөмийн салбарт тусалж байгаад би баяртай байна. Манай өнөөгийн реакторууд хэт өндөр үнэтэй.... иймээс өөрчлөх ёстой... Уг нь бид 2028 онд станцаа ашиглалтад өгөхөөр төлөвлөсөн ч хойшилсон. Яагаад гэвэл, анх Оросоос ураны түлшийг худалдаж авахаар тусгасан юм. Гэтэл Украины дайнаас болж төлөвлөгөө өөрчлөгдлөө. Одоо бид Англи, Өмнөд Африкийн БНУ, Канад, түүнчлэн дотоодоос  ураны түлш нийлүүлэхээр ярилцаж байгаа” гэж Билл Гейтс “CBS” телевизэд ярилцлага өгөхдөө мэдэгдлээ. 
"АЦС-д натрийн хөргөлт ашигласнаар үйлдвэрлэлийн процесс илүү аюулгүй, хямд болно гэж мэргэжилтнүүд үзжээ. Вайомингийн атомын цах станц 2030 онд ашиглалтад орно” хэмээн CBS” телевиз дамжууллаа. 
#МЦогзолмаа орчуулав.