Аргентины алдарт тамирчин, “Пари Сен-Жермен” клубын довтлогч Лионель Месси 2022 оны шилдэг хөлбөмбөгчнөөр шалгарсан хэмээн Олон улсын хөлбөмбөгийн холбоо (FIFA) мэдэгдлээ. Оны шилдэг хөлбөмбөгчний төлөө түүнтэй “ПСЖ” клубын Килиан Мбаппе, Мадридын “Реал” клубын Карим Бензем нар өрсөлдсөн юм. Харин 2022 оны шилдэг –эмэгтэй хөлбөмбөгчнөөр “Барселон” клубын тамирчин, Испаний шигшээ багийн Алексия Путельяс тодров. Тэрбээр тус шагналыг 2 жил дараалан авч байна. 
Месси шагнал гардуулах ёслол дээр “Энэ үнэхээр гайхалтай, энд байх маш их тааламжтай байна. Би мэргэжлийн карьераа дуусгахаас өмнө манай гарагийн Цомыг гардаж авлаа, энэ бол өндөр үнэ цэнэтэй шагнал. Өөрийн гэр бүл болон эх орон нэгт аргентинчууддаа мэнд дамжуулж байна” гэж хэллээ. Тэрбээр 2019 онд мөн энэ шагналыг хүртсэн юм. Месси өөрийн орны шигшээ багийн бүрэлдэхүүнд тоглож 2022 оны Дэлхийн аварга болж, бас тус тэмцээний шилдэг тоглогчийн шагнал авсан билээ.