Шайбтай хоккейн IV дивизионы Дэлхийн аварга шалгаруулах тэмцээн анх удаа Монгол Улсад зохион байгуулагдлаа. 2023 оны энэ тэмцээнд Азийн 4 орон өрсөлджээ. Манай улсын баг 11 жил завсарласны дараа эргэн ирсэн бол Кувейтийн баг 2022 оноос тэмцээнд орож байгаа. Мөн Филиппин, Индонез улсуудын шигшээ баг хоккейн тэмцээнд энэ жилээс хамрагджээ. Монголын анхны мөсөн ордон “Steppe arena”-д болсон тэмцээнд Филиппин ба Монголын тэмцээн 7:6 -гаар өндөрлөв. Тэмцээний тэргүүн байранд Филиппин  улс орж алтан медалийн эзэд боллоо. Тэд энэ тэмцээний дараа 2024 оны Дэлхийн аварга шалгаруулах тэмцээний III дивизионд В бүлэгт тоглох эрх авлаа. 
Харин манай орны хоккейчид 2-р байранд орж, түүхэндээ анх удаа Дэлхийн аваргын мөнгөн медаль хүртэв. Кувейт гуравт, харин Индонез дөрөвт жагслаа.