Америкийн “Time” сэтгүүл 2023 оны хамгийн нөлөө бүхий 100 хүний жагсаалтыг гаргалаа. Энэ жагсаалтад Аргентины хөлбөмбөгчин, “Пари Сен-Жермен” клубын довтлогч Лионель Месси, мөн клубын тамирчин бөгөөд Францын шигшээ багийн ахмад Килиан Мбаппе нар бичигдээ. Месси 2022 оны ДАШТ-д Аргетины багийн хамт алтан медаль хүртэж шилдэг тоглогчоор шалгарсан, FIFA-н хувилбараар оны шилдэг тоглогч  болсон. Мбаппе харин ДАШТ-ээс мөнгөн медаль, шилдэг гоолчноор тодорсон. Дээрх жагсаалтад тамирчдаас уулын цаначин Микаэла Шиффрин, бейсболын тамирчин Патрик Махоумс, сагсан бөмбөгчин Бриттни Грайнер, теннисчин Ига Свёнтек нар багтжээ. 
Манай гарагийн хамгийн нөлөөтэй хүмүүсийн дунд мэдээж улстөрчид болон өөр олон салбарынхан бий: АНУ-ын тэргүүн Жо Байден, Германы канцлер Олаф Шольц, Японы Ерөнхий сайд Фумио Кисида, Английн хаан III Чарльз, Украины Ерөнхийлөгч Зеленский, бизнесмэн Илон Маск, “The Walt Disney Company”-н Боб Айгер, дуучин Бейонсе, “Covid 19”-н эсрэг “Biontech” вакцин бүтээсэн Угур Шахин ба Озлем Турежи, зохиолч Салман Рушди, жүжигчин Майкл Б. Жордан, жүжигчин Женнифер Кулиж, рэппер Doja Cat, загвар өмсөгч Белла Хадид....