“2020 онд дэлхийн 595 сая хүнд остеоартрит гэсэн онош тавьжээ, энэ бол 1990 онтой харьцуулахад 132%-иар нэмэгдсэн гэсэн үг. Энэ өвчин хурдтай тархаж буй гол шалтгаан бол дэлхийн хүн амын хөгшрөлт, өсөлт бас таргалалт” хэмээн АНУ-ын “IHME” хүрээлэн мэдэгдлээ. Тус хүрээлэнгийн эрдэмтэд судалгаа явуулсны эцэст 2050 он гэхэд үе мөчний остеоартритаар шаналагсдын тоо 1 тэрбум болно гэж дүгнэсэн. Энэ талаарх материал “The Lancet Rheumatology” сэтгүүлд нийтлэгджээ.  “Дэлхийн 200 гаруй улсад явуулсан 30 жилийн (1990-2020 он) судалгаанаас үзэхэд манай гарагийн хүн амын (30-аас дээш насны) 15% нь остеоартритаар өвчилжээ. Иймээс ихэнх улс орон одоо дэлхийн хүн амын өсөлт, хүмүүсийн наслалт зэрэг гол хүчин зүйлийг тооцон үзэж эрүүл мэндийн салбарт нь ирэх ачааллыг урьдчилан төлөвлөх шаардлагатай.... 1990 онд энэ өвчин үүсэх шалтгааны 16% нь таргалалттай холбоотой байсан, гэтэл 2020 онд энэ нь 20% болж нэмэгдсэн, тиймээс хүн амын таргалалттай идэвхтэй тэмцвэл остеоартритын өвчлөл буурах юм” хэмээн “IHME” хүрээлэнгийн эрдэм шинжилгээний тэргүүлэгч ажилтан Жейми Стейнмец мэдэгдлээ.