Коронавирүсийн шинэ шинэ хувилбар гарсаар байгаатай холбогдуулан оросууд өмнө бүтээсэн “Спутник V” вакциныхаа бүтцийг өөрчилж шинэчилжээ. ОХУ-ын Эрүүл мэндийн яам  өнөөдөр шинэчлэгдсэн “Спутник V” вакцины клиник туршилт явуулахыг зөвшөөрсөн тухай “РИА Новости” агентлаг мэдээллээ. “Ковидын эсрэг вакцины шинэ бүтэц хэр аюулгүй болохыг мэргэжилтнүүд тодорхойлж түүний реактогенност ба иммуногенность чанарыг үнэлэх юм. Насанд хүрсэн 100 хүн сайн дураар энэ клиник туршилтад оролцоно” гэж тус агентлаг дамжуулав. Энэ туршилт 2024 оны 12 сарын 31-нд дуусах юм байна. Оросууд мөн хүүхдэд зориулсан “Спутник” вакцинаа бас шинэчилжээ, удахгүй түүнийг ч туршиж эхэлнэ. “Коронавирүсийн эсрэг вакцины бүтцийг ер нь 9-10 сар тутамд шинэчлэх ёстой” хэмээн Гамалеин нэрэмжит Тахал, микробиологийн эрдэм шинжилгээний хүрээлэнгийн захирал Александр Гинцбург мэдэгдлээ.