Тавантолгой-Гашуунсухайт чиглэлийн автозамд үүссэн хур хогийг цэвэрлэв
Тавантолгой-Гашуунсухайт чиглэлийн 0-8 дахь км хүртэлх автозамын дагуух үүссэн хур хог хаягдлыг цэвэрлэх, зөвшөөрөлгүй газар эзэмшин үйл ажиллагаа явуулж буй иргэн, аж ахуйн нэгжүүдийг нүүлгэх ажлыг “Эрдэнэс Тавантолгой” ХК, туслан гүйцэтгэгч компаниуд, ”Энержи Ресурс” ХХК, “Тавантолгой” ХК, “Тавантолгой төмөр зам” ХХК болон автотээврийн үйл ажиллагаа эрхэлж буй аж ахуйн нэгж, байгууллагууд хамтран гүйцэтгэлээ.
Хог цэвэрлэгээнд нийт 100 гаруй хүн оролцож, 8 их даацын өөрөө буулгагч болон дугуйт ачигч, экскаватор, ачааны автомашин ажилласнаар 193 га талбайн 8400 тонн хог хаягдлыг Цогтцэций сумын хог хаягдлын цэгт төвлөрүүллээ.
