“Би бүх монголоо эмчилнэ” хэмээн алга ташуулан, олны дэмжлэг хүлээн 2 дахь удаагаа сонгогдсон гишүүн Ж.Чинбүрэн УИХ-ын гишүүний ажлыг ЭМ-ийн салбараа “шанаадах” байдлаар л хийдэг болсонд салбарынхан нь дурамжхан байх боллоо. Үүний үр дүнд өнөөдөр эрүүл мэндийн салбар улстөржилтийн бай болж, үр дүнд нь эмнэлэг өвчтөн хоёрын дунд үл ойлголцол бий болжээ
Тиймдээ ч саяхан нэгэн ТВ-д өгсөн ярилцлагадаа”Улсын эмнэлгүүд хамаг ачааг нь үүрч байхад ашигтай, амархан үйл ажиллагааг нь хувийн эмнэлэгт өгч байна. Адилхан ачааллыг нь үүрүүлэх хэрэгтэй” гэсэн нь мөн л салбарынхныхаа эгдүүцлийг төрүүлэв. Бүр тодруулбал, олон нийтэд таалагдахын тулд салбараа улсын, хувийн гэж ялгаж зааглаад Эрүүл мэндийн манаанд өдөр шөнөгүй зүтгэж байгаа эмнэлгийн ажилтнуудын ажлыг илт үгүйсгээд амжив Өнгөрсөн парламентад“Эмнэлгийн мэргэжилтний эрх зүйн байдлын тухай хууль” хэмээх том нэртэй, “бие чилээрхүү “хуулийн төсөл санаачилж Төрийн бус байгууллагаар салбарынхаа зарим ажил үүргийг гүйцэтгүүлэхээр зүтгээд олон эсэргүүцэлтэй тулгарч нам жим дарагдсан Тухайн хуульд “…..Эрүүл мэндээ хамгаалуулах, эмнэлгийн тусламж авах эрхтэй” гэсэн заалтыг төрийн байгууллага биш “Төрийн бус байгууллага” гүйцэтгэж ажиллахаар тусгасан нь “но-той, ноцтой” үйлдэл юм. Иргэний амьд явах баталгаа “Төрийн бус байгууллага”-д шилжиж байна гэсэн үг. Төрийн байгууллагын үүргийг “Төрийн бус байгууллагад” шилжүүлэн авах далд санаачлагын ард хувийн эрх ашиг нуугдаж байдаг нь нууц биш. Товчхондоо Өөрийн хүнээр “Төрийн бус байгууллага”-ын удирдлагыг тавих, тэндээсээ ашиг орлого олох, өөрийн нөлөөг тогтоох зэргээр дарга нар давуу эрх эдэлдэг бичигдээгүй хууль үйлчилдэг. Ийм танил технологи үнэртүүлсэн хууль санаачлах жишээний…...
Ерөөсөө л Ж.Чинбүрэн эмч юм бол бол эрүүл мэндийн салбарын нэрийг барьж улстөрждөг. УИХ дотроос тус салбарын сайдыг томилох тухай яриа хөөрөө гарахад нэлээн хөөлцөлдлөгөөтэй, хөдөлгөөн хийж араас гүйдэг нь Ж.Чинбүрэн гишүүн. Харин Ардын намын гишүүд түүнд боломж олгодоггүй ч тэр одоог болтол бууж өгөөгүй, сайд болох сонирхлоо цухалзуулж, нөгөө гараараа салбараа Самарсаар…??!!!
Уг нь тэр улс төрийн карьер хөөснөөс салбартаа үлдсэн бол илүү олон тустай зүйлийг хийх байсан гэж олон нийт үздэг. Гэвч сонголтыг нь яалтай. Улс төрд орохоор бусаддаа уусдаг уу, аль эсвэл улс төрийн амьдралаа үргэлжлүүлэх хүсэл, шунал нь эвдээд байна уу, ёстой бүү мэд дээ.
Албан тушаалын “одгүй ” тэрбээр бас л нэр цэвэр биш нэгэн…..УИХ-ын гишүүн Ж.Чинбүрэн өмнөх эхнэр С.Төгсдэлгэрийгээ Эрүүл мэндийн яамны газрын дарга болгохоор сайд С.Энхболдтой тохирчээ”, “УИХ-ын гишүүн Ж.Чинбүрэн нь П.Мэндсайханы барилгыг 40 тэрбумаар үнэлж, улсад худалдан авах тохироо хийжээ” “ХӨСҮТ-ийн дарга байхдаа Медпортал нэртэй хувийн эмнэлэг ажиллуулж өндөр ашиг олдог” гэх зэргээр цоллуулж байсан тэрбээр ЭМ-ийн салбарыг төрийн, хувийн гэж ялгаварлахаас гадна эмч өвчтөнүүдийг ч хооронд нь хагаралдуулж улстөрийн бохир арга хэрэглэж салбараа ч сайхан самарч дууслаа …. Тангараг өргөсөн эмч хүн байж 2 дахиа УИХ улайран зүтгэнэ гэдэг мөнгө, суудлын өвчтэй гэдгийг нь илтгээд өгөх шиг…..Гэхдээ Эрүүл мэндийн салбар улстөржих салбар биш . Мөн ард түмний эрүүл мэндийн төлөө зүтгэж буй мянга мянган эмч мэргэжилтнүүдийн хөдөлмөр зүтгэлийг энэ мэтчилэн үгүйсгэж, ялгаварлаж болохгүй л санагдах юм….Шулуухан хэлэхэд УИХ-ын гишүүн Ж.Чинбүрэн ЭМ-ийн салбарыг төрийн хувийн гэж хооронд нь ялгаварлан хагралдуулж "таашаал" авдаг бололтой
