Орос улсын Новосибирскийн Улсын их сургуулийн эрдэмтэд тархины зарим хавдрыг оношлоход зориулсан программын модуль бүтээжээ. Энэ инновацийн бүтээлийн ачаар Соронзон резонансын томографи (МРТ ) шинжилгээ болон мэс заслын үед 4 төрлийн тархины хавдрыг таньж эрт илрүүлж байв. Мэдээлэл өгөгдлийн урьдчилан боловсруулалт бүхий компьютерийн харааны 2 ба 3 хэмжээст загварууд дээр суурилан түүнийг бүтээжээ. “Алгоритмын ажлын нарийвчлалыг үнэлэхийн тулд өгөгдөлд Дайсын метрик ашиглаж анализ хийхэд үр дүн нь 92% хүрч байлаа. Шаардлагатай туршилтуудыг явуулж дууссаны дараа энэ модулийг клиник эмчилгээнд нэвтрүүлэх болно. Энэ нь тархины хавдрыг оношлох салбарт шинэ хэтийн төлөвийг нээж өглөө” гэж Оросын эрдэмтэд мэдэгдэв.