“Өвчин эдгэрсний дараа зарим төрлийн вирүс хүний биед үлдэх чадвартай. Коронавирүс  уушгинд 18 сар хүртэл хугацаагаар хадгалагдах боломжтой. COVID 19 удаан үргэлжилдэг шалтгаан нь бие организмын хамгаалалтын эхний шугам хангалтгүй байсантай холбоотой” гэсэн таамаглалыг эрдэмтэд дэвшүүлсэн тухай “Nature Immunology” мэдээллээ. Пастерын хүрээлэн ба Францын төрийн өмчит эрдэм шинжилгээний хүрээлэн,  Атомын энерги ба Альтернатив эрчим хүчний комисс энэ сэдвээр хамтарсан судалгаа явуулжээ. Ердийн коронавирүс “SARS-CoV-2” нь халдвар авснаас хойш 14 хоногийн дараа хамар багалзуураас устдаг, гэхдээ зарим эрхтэн системд (мэдрэлийн систем, уушги, цусны эсүүд зэрэг) үлдэх талтай гэж эрдэмтэд сэрэмжлүүлэв.