“Дэлхийд анх удаа амьд донороос нэгэн зэрэг элэг, уушгийг цуг амжилттай шилжүүлэн суулгалаа” хэмээн Японы Киото их сургуулийн эмнэлэг мэдээлснийг “NHK” дамжууллаа. Профессор Датэ Хироси өөрийн багийн гишүүдийн хамт хэвлэлийн хурал хийхдээ "Мэс заслыг 2023 оны 11 сард 10 настай, төрөлхийн хүнд өвчтэй хүүд хийжээ. 4 мэс заслын тасагт 18 цаг гаруй үргэлжилсэн энэ операцийн үеэр эцэг эхийн уушгины хэсэг, мөн өвөөгийн элгийг жаал хүүд шилжүүлэн суулгасан" хэмээн ярилаа.
Хүүгийн эцэг эх 40 гаруй насных, өвөө нь 60 гаруй настай юм байна. Тэд аль хэдийн эдгэрч хэвийн амьдралдаа орсон, харин хүү саяхан буюу энэ сард эмнэлгээс гарчээ. Хүү одоо өөрөө явдаг болсон. 
Сонирхуулахад, иймэрхүү мэс заслыг дэлхий даяар 20 гаруй удаа хийсэн, гэхдээ дандаа тархи нь үхсэн донороос эрхтэн шилжүүлэн суулгаж байжээ.