Стресс бууруулах, толгой таллаж өвдөхийг намдаах зэрэг үйлчилгээтэй өвөрмөц чихэвчийг ОХУ-ын Бехтеревийн нэрэмжит Сэтгэц, мэдрэлийн судлалын үндэсний төв болон “Neiry” биотех лабораторийн эрдэмтэд хамтран бүтээжээ. Түүнээс гадна энэ чихэвч нь нойргүйдэх, түгшүүрт автах, өвдөх (янз бүрийн шалтгаантай) мэдрэмжийг намдаах шидтэй. "Тэр бүү хэл бид энэ чихэвчийг гутрал, эпилепсийн үед эерэгээр нөлөөлдөг болгох зорилт тавин ажиллаж байгаа" хэмээн оросууд мэдэгдлээ. “Neiry Buds” чихэвчийн бусдаас ялгаатай тал гэвэл электродтой. Энэхүү электрод нь дотоод чихэнд гүйдэл дамжуулах замаар чихний суваг доторх тэнэгч нервийг идэвхжүүлдэг, улмаар мэдрэлийн системийн ажиллагаа хэвийн болоход тустай. Одоо шинэ чихэвчийн клиник судалгаа явагдаж байгаа, 2024 оны сүүлээр нарийвчилсан тест эхэлнэ.