“Covid 19-н шинэ давалгаа Сингапурт дэгджээ. Тус орны Засгийн газар өвчний тархацыг маш хянуур, анхааралтай судалж байна” хэмээн “Вloomberg” агентлаг мэдээллээ. “5 сарын 5-11 хооронд ковидын халдвар авсан хүний тоо өсч 25900 тохиолдол болсон. Энэ бол өмнөх 7 хоногоос 13700-аар их гэсэн үг. Эмнэлэгт хэвтэж эмчлүүлэгсдийн тоо өдөр тутам нэмэгдэж байгаа. Өдөрт дунджаар 181 хүн хэвтдэг байсан бол одоо 250 хүрэв” хэмээн Сингапурын Эрүүл мэндийн яам мэдэгджээ. “Эмнэлгүүдэд орны хомсдол үүсэхээс сэргийлж мөн урьдчилан сэргийлэх арга хэмжээ болгон бид төрийн өмчит эмнэлгүүдэд хандаж яаралтай бус, төлөвлөгөөт мэс заслаа цөөрүүлэхийг санал болголоо... Өнөөдөр бид ковидын шинэ давалгааны эхэн үед байна, халдвар авагсдын тоо улам өссөөр л. Тархалтын оргил үе ойрын 3-4 долоо хоногт тохиох төлөвтэй. Өөрөөр хэлбэл, 6 сарын дунд үе ба сүүлээр” хэмээн Эрүүл мэндийн сайд Онг Е Кунг ярилаа.