ОХУ-ын Самара хотод малын халдварт өвчин бруцеллёз дэгдсэний улмаас 5 сарын 22-нд хөл хорио тогтоожээ. Бруцеллёз бол “Brucella” бактериар үүсгэгддэг аюултай өвчин бөгөөд дутуу боловсруулсан мах, сүү, бяслаг зэргээр дамжин хүнд халдварладаг аж. Түүнчлэн энэ өвчний халдвар авсан хонь, ямаа зэрэг мал, нохойгоос халдварлах магадлалтай. 
Энэ өвчний шинж тэмдгээс тоочвол өндөр халуурах, толгой өвдөх, бие сулрах, бөөлжих, гүйлгэх, булчингууд ба үе мөч өвдөг, биеэр юм туурах, тунгалгийн булчирхай томрох гэх мэт. Архагшсан хэлбэрийн бруцеллёзын үед артрит үүсэх, төв мэдрэлийн системийн эрхтэнүүд өртөх, мөн гепатит, ой санамжаа алдах, хөдөлгөөний эвсэл доголдох, хий юм үзэх зэргээр ноцтой хүндрэл үүснэ. 
Бруцеллёзын нууц үе 1 долоо хоногоос 5 сар байдаг, иймээс оношлогоо хүндрэлтэй. Нэмж өгүүлэхэд, ЗХУ-ын гавьяат жүжигчин Екатерина Савинова энэ өвчнөөр өвджээ. Түүхий сүү уух дуртай тэрбээр халдварт өвчтэй малын сүү уусан гэдэг. Эмч түүний оношийг тогтоож чадахгүй уджээ. Е.Савиновагийн толгой өвдөж ой тогтоолт муудахын зэрэгцээ хий юм сонсдог болсон тул сүүлдээ өөрийгөө галзуурсан гэж үзээд галт тэргэн доогуур орсон гэдэг.