Агаарын бохирдлоос болж антибиотикт тэсвэртэй байдал өсч байгаа талаар Англи, Хятадын эрдэмтэд мэдэгдлээ. Тэдний дүгнэлтийг “Lancet Planetary Health” сэтгүүл нийтэлжээ. Эрдэмтэд манай гарагийн 100 гаруй оронд бараг 20 жилийн турш явуулсан олон судалгааг нэгтгэн дүгнэсэн байна. “Агаарын бохирдол ихсэх тусам антибиотикт тэсвэртэй байдал улам нэмэгдэж хүмүүсийн эрүүл мэндэд ноцтой аюул учруулах болсныг бидний судалгаа нотоллоо. Энэ үзэгдэл дэлхийн бүх тивд, бүх улс оронд ажиглагдсан...  Антибиотикт тэсвэртэй байх нь даяаршсан эрүүл мэндийн системд хамгийн том аюул заналхийлэл. Үүнээс болж жилд 1,3 сая хүн нас барж байна. Аль ч орны ямар ч насны хүмүүс үүнд өртөж болзошгүй....” хэмээн эрдэмтэд тайлбарлав.