АНУ-ын Огайо мужийн их сургуулийн Анагаахын төвийн эрдэмтэд гений эмчилгээг алкоголизмын эсрэг ашиглах аргыг боловсруулж сармагчин дээр амжилттай туршлаа. Тэдний энэ бүтээлийн тухай материал “Nature Medicine” сэтгүүлд нийтлэгджээ. “Энэ аргачлалын гол утга нь дофинамин рецепторуудын согтууруулах ундаанд үзүүлэх хариу урвалыг зогсоох. Өөрөөр хэлбэл, хүн архи согтууруулах ундаа уугаад таашаал авахаа болино, улмаар архины хамаарлаас бүрэн ангижирч чадах юм.... Гений шинэ эмчилгээний үеэр AAV2 аденоассоциирован вирүсийн тусламжтай эсүүдэд нөлөөлдөг. Тэр бол тархины эсүүдэд нэвтрэх чадвартай ба түүний үйлчлэлийн дүнд “GDNF” их хэмжээгээр ялгарч улмаар дофинамин рецепторуудад нөлөөлөх нь багасна.... Ийнхүү архинд татагдахаа больдог. Бид энэ аргачлалаа макака сармагчин дээр туршсан. Удахгүй хүмүүс дээр туршилт хийхээр төлөвлөж байгаа. Манай аргачлал алкоголизмыг эмчлэхэд их үр дүн өгнө гэж найдаж байна” хэмээн эрдэмтэд тайлбарлалаа.