“COVID 19-н шинэ халдварын талаарх Хятадын албан ёсны мэдээлэл нь үнэн бодит байдалд нийцэхгүй байна. Хятад улсад коронавирүсийн халдвар газар авч ганц хоногт 1 сая гаруй хүн ковидоор өвчилж 5000 гаруй хүн ковидоор нас барж байгаа” гэж Английн “Airfinity” компаний шинжээчид мэдэгдлээ. Тэд коронавирүсийн тархалтын талаарх өөрсдийн гаргасан загвар дээр үндэлсэн энэ дүгнэлтийг хийжээ. Судалгааны энэ компани Цар тахал дэгдсэнээс хойш коронавирүсийн статистик бүртгэлийг тасралтгүй хийж байгаа билээ. Нэмж өгүүлэхэд, Хятадын эрх баригчид өчигдөр мэдээлэхдээ “Лхагва гарагт орон даяар 2966 шинэ халдвар бүртгэгдсэн, 12 сар гарснаас хойш 10 хүн ковидоор нас барсан” хэмээжээ. Гэтэл Хятадын ХМХ-ээр “Бүх эмнэлэг дүүрсэн... Шарил чандарлах газрууд асар өндөр ачаалалтай ажиллаж байгаа... Цогцсыг тоолж барахаа больсон” гэсэн мэдээ мэдээлэл цувж байна.“Гэхдээ Хятададад ковидын дэгдэлт дээд цэгтээ хүрээгүй, ирэх жил нөхцөл байдал улам хүндрэх шинжтэй, 2023 оны 1-р сард 1 хоногт 3,7 сая халдвар бүртгэгдэх болно. Харин 3-р сар гэхэд Хятадад дахин шинэ дэгдэлт болж ганц хоногт 4,2 сая тохиолдол илрэх байх” гэж “Airfinity”-н шинжээчид ярив.