Цар тахал дэгдсэний дараа өрөө тасалгааг ариутгаж халдваргүйжүүлэх шаардлага улам нэмэгдсэн билээ. Энэ зориулалтаар хэт ягаан туяаны (ультра фиолетовая, УФ) чийдэнг өргөн ашиглаж эхэлсэн ба коронавирүс болон бусад халдварын эсрэг үр дүнгээ өгсөөр байна. Гэтэл Финлянд улсын Хельсинкийн их сургуулийн эрдэмтэд тус чийдэнгийн талаар анхааруулга сэрэмжлүүлэг хүргэв. "Өрөө тасалгааны агаарыг ариутган халдваргүйжүүлэхэд ашигладаг хэт ягаан туяаны чийдэнгүүд сөрөг нөлөөтэй байж болзошгүй. Хэт ягаан туяаны чийдэн ашигласны дараа өрөө тасалгаанд зарим төрлийн хий, жижиг хэсгүүд харьцангуй ихээр хуримтлагдаж бөөгнөрч байгааг бид олж тогтоов. Иймээс ариутгал халдваргүйжүүлэлт хийсний дараа шууд өрөөнд орж болохгүй, харин 30-40 минут өнгөрсний дараа орвол зохино. Ариутгал халдваргүйжүүлэлийн дараах агаарын чанар олон хүчин зүйлээс хамаардаг: ультра ягаан туяагаар хэр удаан ариутгасан, өрөөний хэмжээ, агааржуулалтын систем. Энэ судалгааны үр дүнг бататгахын тулд нэмэлт туршилт судалгаа явуулах шаардлагатай" гэж мэргэжилтнүүд зөвлөжээ. Тэдний судалгааны үр дүнг “Environmental Science & Technology” сэтгүүл нийтэлжээ.