“Жирэмслэлтээс сэргийлэх зарим эмийг (прогестагенуудтай) 1 жил ба түүнээс удаан хугацаагаар уухад уураг тархины хавдар үүсэх эрсдэл 5 дахин нэмэгдэж буйг манай шинэ судалгаа баталлаа. Ийм хавдар хоргүй бөгөөд мэс заслын аргаар эмчилдэг, гэхдээ зарим тохиолдолд нугас, тархийг гэмтээх аюултай: Жирэмсний эсрэг эмийг 1 жил хүртэл хугацаагаар уухад хавдрын эрсдэл ажиглагдаагүй. Прогестагенууд гэдэг нь дааврын, синтетик эм бөгөөд байгалийн эм бэлгийн даавар -прогестероны  дуураймал. Жирэмслэлтээс сэргийлэх эм уудаг эмэгтэйчүүд үе үе түүнээ сольж хэрэглэх ёстой. Нэг л эмийг олон жилийн турш уух осолтой. Бүсгүйчүүд урьдчилан сэргийлэх арга хэмжээ авч бай. Жилд ядаж 1 удаа эмэгтэйчүүдийн эмчид үзүүлж түүний заавраар жирэмслэлтээс сэргийлэх эм хэрэгслээ өөрчлөөрэй” гэж Францын эрдэмтэд мэдэгдлээ. 
Эрдэмтэд шинэ судалгаандаа Эм хэрэгсэл, эмнэлгийн зориулалттай барааны аюулгүй байдлын үндэсний агентлагийн (ANSM) мэдээллийг “SNDS”-с авч судалжээ. Нийт 108366 эмэгтэйн мэдээлэл ашигласан, тэдний 18061 нь 2009-2018 оны хооронд тархины хавдар авахуулах мэс засал хийлгэсэн байв. Эрдэмтэд тохиолдол бүрийг төрсөн он, оршин суугаа газраар нь хяналтын 5 бүлгийнхтэй харьцуулсны дараа прогестагенууд ба тархины хавдрын хооронд уялдаа холбоо байгааг тогтоожээ.