“Хятадын бүх эмнэлэг дүүрсэн. Эрх баригчид “тэг ковид” бодлогоо цуцалсны дараа өдөрт 2 сая хятадууд коронавирүсийн халдвар авч байна. Хятадад өдөр бүр 11 мянган хүн ковидын улмаас нас барж байгаа тухай Английн "Airfinity" компани мэдээлсэн....  Хятадад халдвар оргилдоо хүрч Цар тахал хяналтаас гарсан бололтой. Чунцин хотын эмнэлэгт сүүлийн өдрүүдэд хэвтсэн өвчтөний тоо 5 дахин нэмэгджээ. Чэндүд мөн адил.... Удахгүй энэ улсын үндэсний баяр болно, 700 сая гаруй хүн гэр бүлийн хүрээнд баяраа тэмдэглэхээр шилжилт хөдөлгөөнд оролцох төлөвтэй. Иймээс Хятадын эрх баригчид тахлын шинэ дэгдэлт болохоос айж эмээж байна” гэж “France 3” телевиз мэдээлэв. 
Чэндүгийн эмч Тан Ши Юнь “Бид өвчтөнүүдээ хэд ангилдаг: амьсгалж чадахгүй байгаа, зүрх цохилохоо больсон, яаралтай тусламж авах шаардлагатай гэх мэт. Манай зорилго бол гайгүй өвчтөнийг хүнд хүмүүсээс тусгаарлаж хэний эмчилгээг түрүүлж хийх тухай шийдвэр гаргах” гэж ярилаа. Хятад дахь Францын компаний захирал Николя Був “Миний эргэн тойрны хүмүүс бүгд өвчилсөн. Ажил дээр 95% нь халдвар аваад байна. Эмийн санд олон эм хэрэгсэл алга, бүр зарим эмнэлэг ч хомсдолд орсон сурагтай” гэж мэдэгдэв.