“Дэлхийн эрүүл мэндийн байгууллагын тэргүүн Тедрос Гебрейесус манай гарагийн улс орнуудад хандаж коронавирүсийн Цар тахлын бодит байдлын талаарх бүрэн мэдээллийг гаргаж өгөхийг уриаллаа. Хятад улс ковидын өвчлөлийн тухай тоо, мэдээллийг дарж бууруулж мэдэгддэг гэж тус байгууллага үзэж байна. Коронавирүсийн халдварын тухай үнэн мэдээллийг Хятад улс нуун дарагдуулж байгаа тухай дэлхий нийт шүүмжилж байна. Гэтэл Бээжин бүх юм хэвийн, сайн сайхан гэж үргэлжлүүлэн мэдэгдсээр байгаа” гэж “WION” мэдээлэв.
Хятад улсын эрх баригчидтай уулзсаны дараа ДЭМБ-ын төлөөлөгчид мэдэгдэл хийв. “Халдварын түвшин өндөр байгаа үед зарим улс бүрэн мэдээлэл, тоо баримтыг мэдээлэхгүй байна. Тэд үүгээрээ өөрийн иргэдийг хамгаалж байна гэж боддог бололтой. Эдгээр мэдээлэл ДЭМБ болон дэлхий дахинд маш чухал. Мэдээллээ хуваалцахыг бид бүх улсад хандан уриалж байна.... Мэдээллийн сангийн тусламжтай ДЭМБ өнөөгийн нөхцөл байдалд эрсдэлийн бүрэн хэмжээний  үнэлгээ өгч зохих заавар зөвлөмжийг гаргах юм” хэмээн ДЭМБ-ын дарга Тедрос Гебрейесус хэлжээ.
Харин Хятадын Засгийн газар “Өвчлөл огцом нэмэгдсэний улмаас эмнэлгүүд, Хөгшдийн асрамжийн газрууд, хөдөө нутгуудаас эм тарианы хүсэлт их ирж байгаа, бид бүгдийг биелүүлж нийлүүлэлтээ нэмэгдүүлж байгаа. Манай Шинэ жилийн баярын өмнө зах зээл дээр хүнсний бүтээгдэхүүн хангалттай, хүртээмжтэй байгаа. Үнэ ханш тогтвортой” хэмээн мэдэгдлээ.