Белоруссын Ерөнхий прокурорын газар Эрүүгийн хуулинд өөрчлөлт оруулахаар ажиллаж байгаа тухай тус орны ХМХ мэдээллээ. "Педофил буюу насанд хүрээгүй хүүхдийн эсрэг бэлгийн хүчирхийлэл үйлдсэн гэж донтой эрчүүдийг албадан химийн аргаар “тайган” болгох заалтыг боловсруулж Эрүүгийн хуулинд нэмэх болно. Ингэж албадан хөнгөлөх аргыг гэмт хэргийн төлөө ногдуулсан  шийтгэлтэй хослуулах юм. Белорусст сүүлийн 5 жилд 3,5 мянга гаруй хүүхэд гаж донтнуудын золиос болсон" гэж Ерөнхий прокурорын газар мэдэгджээ. Тус орны Ерөнхийлөгч Александр Лукашенко дээрх санаачилгыг бүрэн дэмжиж буйгаа илэрхийлэв. Ерөнхий прокурорын газар түүнчлэн эцэг эхийн хүлээх хариуцлагыг нэмэгдүүлэх, бэлгийн уламжлалт бус харьцаа ба хүйс солих, педофил ба чайлдфрийг сурталчлахад хүлээлгэх захиргааны хариуцлагыг тодорхойлох, хүүхэд залууст бэлгийн хүмүүжлийн сэдвээр мэдлэг олгох хичээлийг боловсролын салбарт нэвтрүүлэх, ял шийтгэл эдэлсэн этгээдүүдийг цахим бугуйвч зэргийн тусламжтай хянаж ажлыг чангатгах зэрэг асуудлыг сөхөж төрийн тэргүүний бүрэн  дэмжлэгийг авчээ.