Япон улсад 12 сараас хойш коронавирүсийн халдвар авч нас барах нь огцом нэмэгдсэн, энэ хугацаанд 10 мянга гаруй хүн ковидоор нас барлаа гэж “ТАСС” агентлаг мэдээлжээ. Тодруулбал, 2022 оны 12-р сарын дундуураас эхлэн 2023 оны 1-р сарын 10 хүртэлх хугацаанд “Covid-19”-р 10 мянган хүн нас барсан аж. Нас барагсдын ихэнх нь 80-аас дээш насныхан байв. Өнгөрсөн 1,5 сарын хугацаанд нийт үхлийн 75% нь 80 ба үүнээс дээш настнуудад ногдож байна. Ер нь Цар тахал дэгдсэнээс хойш Японд ковидын улмаас 60 мянга гаруй хүн өнгөрсөн аж. 
Нэмж өгүүлэхэд, Японы Эрүүл мэндийн сайд “Ковидоор 1 хоногт нас барсан хүний тоо 1 сарын 6-нд түүхэнд байгаагүй өндөр гарсан. Ганцхан хоногт 463 хүн нас барав” гэж мэдэгдсэн юм.