“2011 оны цунамид өртсөн Японы “Фукушима” атомын цахилгаан станцын ойролцоогоос барьсан хар алгана загасны радиаци маш өндөр байна. “Tokyo Electric Power Company”-ий мэдээлснээр уг загасанд агуулагдах цези-137 нь тогтоосон хэм хэмжээнээс 180 дахин их. Хар алгана загасанд агуулагдсан цацраг идэвхт бодисын хэмжээ 1 кг-т 18 мянган беккерель хүрчээ. Уг нь хуулинд зааснаар радиацийн аюулгүй хэмжээ 1кг-т 100 беккерель байдаг.... Ослын үеэр “Фукушима” АЦС-ын 1, 2, 3-р реактор хайлсан, эдгээрийг хүрээлсэн борооны ус давалгаа зүсэгч дотоод усан санд цутгадаг. Яг эндээс цацраг идэвхтэй загасыг барьжээ. Энэ газрын ёроолыг шинжлэхэд цезийн агууламж 1-кг-т 100 мянган беккерель байв.... Тус компани ирэх сард “Фукушима”-гийн цэвэрлэсэн гэх 1,3 сая тонн усыг МАГАТЭ-н зөвшөөрлөөр далай руу цутгахаар төлөвлөсөн. Гэвч Японы хөрш орнууд болох Хятад, Өмнөд Солонгос цацраг идэвхтэй усыг далай руу цутгахыг эсэргүүцсээр байна. Хятад энэ 7 хоногоос Японоос импортолсон далайн гаралтай бүх хүнсний радиацийг шалгаж эхэлсэн. Хонконг харин Японы 10 мужаас хүнс оруулахыг хориглохоо мэдэгдэв” хэмээн “The Guardian” мэдээллээ. 
“2022 оны 5 сараас 2023 оны 5 сарын хугацаанд АЦС-ын техникийн боомтод цезийн түвшин нь 1кг-т 100 беккерелиэс дээш 44 загасыг илрүүлсэн.... Манай асгах ус цэвэр, хүн амд болон хүрээлэн буй орчинд бараг сөрөг нөлөөлөхгүй гэдэгт итгэлтэй байна” гэж Япон компаний албан төлөөлөгч мэдэгджээ.