Японы “Sharp” компани тэтгэврийн насныханд зориулан шинэ гар утас бүтээснээ танилцуулав. Энэ гар утсыг савандаж угаасан ч ажиллах гэнэ. “Sharp” компани шинэ гар утсаа “Basio Active 2” гэж нэрлэжээ. Дэлгэц 5,7 дюйм, HD+. Шуурхай санах ой 4 Гб, нэмэлт 64 Гб, 2 камертай.  Хар, улаан, мөнгөлөг гэсэн 3 өнгөтэй. Хамгийн гол нь “Basio Active 2” утас бол гэмтэл, тоос, чийгээс сайн хамгаалагдсан. Бага зэргийн өндрөөс унагаасан ч эвдрэхгүй, тэр бүү хэл спирттэй алчуураар арчиж савангаар савандаж угаасан ч болно. Түүнчлэн харилцан ярилцагчийн дуу хоолойг удаашруулах зэрэг  зөвхөн тэтгэврийнхэнд зориулсан нэмэлт үйлчилгээтэй.  
“Basio Active 2” гар утсыг Японд 2024 оны 4 сарын 5-наас 41,8 мянган иенээр зарж эхэлнэ.