Манай гарагийн хамгийн алдартай хамтлаг “The Beatles”-г үндэслэгчдийн нэг, дуучин, хөгжмийн зохиолч, сэр Пол Маккартни Англи улсдаа тэрбумтан болсон анхны хөгжимчнөөр тодров. Түүний хөрөнгө чинээ 1 тэрбум фунт стерлинг буюу ойролцоогоор 1,27 тэрбум доллар хүрлээ. “The Sunday Times”-с жил бүр гаргадаг Английн хамгийн баян иргэдийн жагсаалтын 165-р байранд сэр Пол Маккартни ба түүний гэргий Нэнси нар бичигджээ.
Сэр Пол 1 жилийн хугацаанд хөрөнгөө 50 сая фунтээр нэмэгдүүлсэн, үүнд түүний “Got Back” аялан тоглолтын хүрээнд хийсэн 35 концерт гол үүрэг гүйцэтгэжээ. Түүнчлэн тэрбээр нэмэлт орлогыг зохиолчийн эрх ба Бейонсегийн дуулсан 1968 оны "Blackbird" дууны кавер хувилбараас олсон юм. 
Сонирхуулахад, Английн хамгийн баян хүнээр энэтхэг гаралтай Хиндуйн гэр бүл дахин тодорлоо. Тэдний хөрөнгө энэ жил 2 тэрбум фунтээр нэмэгдэж нийтдээ 37,2 тэрбум фунт хүрэв. 2-р байранд орос гаралтай Леонид (Леонард) Блаватник 29,2 тэрбум фунттэй оржээ.