2024 оны Европын аварга шалгаруулах тэмцээний финал Германы Берлин хотод явагдаж Испаний шигшээ баг ялалт байгууллаа. Испаничууд 2:1 харьцаагаар Английн шигшээг хожжээ. Испаний хөлбөмбөгчин Нико Уильямс, Микель Оярсабаль нар 2 оноог өөрийн багт авч ирсэн бол Английн ганц гоолыг Коул Палмер оруулав. Тэмцээний шилдэг тоглогчоор Родри, хамгийн залуу хөлбөмбөгчнөөр 17-той Ямин Ямаль (хоёулаа Испани улсынх) нар шалгарлаа. Ийнхүү Испаний шигшээ баг 4 дэх удаагаа Европын ялагчаар тодров. Тус шигшээ баг өмнө нь 1964, 2008, 2012 онд түрүүлсэн билээ. Харин англичууд Европын аваргын финалд 2 дахь удаагаа үлджээ. 
Хөлбөмбөгийн ертөнцийн өөр нэг том тэмцээн АНУ-д явагдаж дүнгээ гаргалаа. “Америкийн цом 2024” тэмцээнд Аргентин улс ялж Америкийн Цомыг хүртэв. АНУ-ын Майамад явагдсан финалын тэмцээнд Аргентины шигшээ баг 1:0 харьцаатай Колумбыг хожлоо. Гэхдээ домогт Лионель Месси финалын тэмцээнийг дуусгаж чадалгүй бэртэл авсан. Нөөц тамирчдын суудалд сууж байхдаа нулимсаа барьж дийлээгүй Мессийн тухай манай гарагийн бүх ХМХ бичсэн гэхэд хилсдэхгүй. Аргентины шигшээ баг ингээд олон улсын 3 том тэмцээнд дараалан ялалт байгуулав: 2024 оны Америкийн цом, мөн 2022 оны ДАШТ, 2021 оны Америкийн цом.